Sirdaryoda MIB orqali uy qonuniy egasiga olib berildi
Ijro harakatlari davomida 5 nafar javobgar fuqaro belgilangan tartibda majburiy ko‘chirilgan.
Majburiy ijro byurosining Sirdaryo tuman bo‘limi davlat ijrochilari tomonidan fuqarolik ishlari bo‘yicha Guliston tumanlararo sudining qonuniy kuchga kirgan qarori asosida majburiy ijro harakatlari amalga oshirildi.
Ijro hujjatiga muvofiq, noqonuniy ravishda egallab olingan xonadondan 5 nafar javobgar fuqaro belgilangan tartibda majburiy ko‘chirildi.
Ijro harakatlari davomida amaldagi qonunchilik talablariga qatʼiy rioya qilinib, xonadon qonuniy egasiga topshirildi hamda sud qarorining to‘liq ijrosi taʼminlandi.
Majburiy ijro byurosi tomonidan sud hujjatlari ijrosini qonun talablariga muvofiq, o‘z vaqtida va to‘liq taʼminlash yuzasidan tizimli ishlar davom ettirilmoqda.
