Toshkentda noqonuniy qurilma MIB orqali buzdirildi
Natijada yer maydoni to‘liq bo‘shatildi hamda asl holatiga keltirildi.
Fuqarolik ishlari bo‘yicha Mirobod tumanlararo sudining 2025 yil 18 martdagi ijro varaqasiga asosan javobgarga o‘zboshimchalik bilan qurilgan uy-joyni buzish majburiyati yuklatilgan edi.
Mazkur ijro hujjati Byuroning Yashnobod tuman bo‘limi ish yurituviga kelib tushgach, ijro harakatlari boshlandi.
Qarzdorga sud qarorini ixtiyoriy ravishda bajarish uchun qonunchilikda belgilangan muddat berilgan bo‘lsa-da, u o‘z majburiyatini bajarmadi.
Shundan so‘ng davlat ijrochilari tomonidan majburiy ijro tadbirlari amalga oshirildi.
Natijada noqonuniy egallab olingan hududda qurilgan qurilma buzdirilib, yer maydoni to‘liq bo‘shatildi hamda asl holatiga keltirildi.
