Toshkentda suvdan qarzdor fuqaro tungi reydda qarzini to‘ladi
Qarzdor bir necha bor ogohlantirilganiga qaramasdan qarzdorlikni ixtiyoriy ravishda to‘lamasdan kelgan.
Majburiy ijro byurosi Toshkent shahar boshqarmasi va Yo‘l harakati xavfsizligi xizmati xodimlari hamkorligida o‘tkazilgan navbatdagi qo‘shma tadbir davomida issiq suv to‘lovidan qarzdor bo‘lgan fuqaro aniqlandi.
Maʼlum bo‘lishicha, fuqarolik ishlari bo‘yicha Shayxontohur tumanlararo sudining 2026 yil 24 fevraldagi ijro varaqasiga asosan qarzdor Q.N.dan undiruvchi “Veolia Energy” foydasiga 1 432 888 so‘m undirish belgilangan.
Qarzdor bir necha bor ogohlantirilganiga qaramasdan qarzdorlikni ixtiyoriy ravishda to‘lamasdan kelgan.
Qo‘shma reyd davomida qarzdor o‘ziga tegishli “Lacetti” rusumli avtotransport vositasida harakatlanayotgan vaqtda to‘xtatildi. Tekshiruv jarayonida mazkur avtotransport vositasiga nisbatan qidiruv eʼlon qilinganligi aniqlanib, u jarima maydoniga joylashtirildi.
Mazkur holat fuqarolar uchun muhim xulosa bo‘lib xizmat qiladi. Kommunal xizmatlar bo‘yicha to‘lovlarni o‘z vaqtida amalga oshirish nafaqat huquqiy majburiyat, balki ortiqcha sarsongarchilik va qo‘shimcha xarajatlarning oldini olishga ham xizmat qiladi.
Ko‘rilgan choralar natijasida qarzdor 2026 yil 6 avgust kuni kommunal tashkilot foydasiga qarzdorlik to‘liq bartaraf etildi.
