Oʻzgidromet kuchli shamol va chang-toʻzon koʻtarilishidan ogohlantirdi
Poytaxtda ham shamol tezligi 12–14 m/s gacha kuchayishi prognoz qilinmoqda.
“O‘zgidromet” ma’lumotiga ko‘ra, 11-avgust kuni kunduz kuni Qoraqalpog‘iston Respublikasi, Buxoro, Navoiy, Toshkent va Samarqand viloyatlarining ayrim hududlarida, shuningdek, tog‘li joylarda shamol tezligi 9–14 m/s gacha kuchayishi mumkin.
Kuchaygan shamol ayrim joylarda chang-to‘zon bilan kuzatilishi ehtimoli bor.
Shuningdek, Toshkent shahrida ham kunduz kuni shamol tezligi 12–14 m/s gacha kuchayishi, ayrim joylarda chang-to‘zon yuzaga kelishi mumkin.
Fuqarolardan ob-havo sharoitining keskin o‘zgarishiga e’tiborli bo‘lish, chang-to‘zon vaqtida ehtiyot choralariga rioya qilish so‘raladi.
