Hibsda saqlanayotgan Odilxon qori og'ir judolikka uchradi
Odilxon qori dafn marosimida ishtirok etmagan.
Hibsda saqlanayotgan Odilxon qori Ismoilovning onasi Hafizaxon aya 90 yoshida vafot etdi.
Ma’lum qilinishicha, Hafizaxon aya 11-avgust kuni vafot etgan. Marhumaning janoza va dafn marosimi 12-avgust kuni peshin namozidan so‘ng Namangan shahridagi “Mavlono” qabristonida o‘tkazilgan.
Odilxon qori Ismoilov dafn marosimida ishtirok etmagan.
Eslatib o‘tamiz, Odilxon qori Ismoilov 20-iyul kuni Jinoyat ishlari bo‘yicha Pop tuman sudi hukmi bilan 8 yilga ozodlikdan mahrum etilgan edi.
Ma’lumot uchun, Odilxon qori Ismoilov ko‘p yillar davomida Toshkent shahridagi bir qator yirik masjidlarda faoliyat yuritgan. Jumladan, u Shayxontohur tumani bosh imom-xatibi hamda “Ko‘kcha” (Shayx Zayniddin) masjidi imomi bo‘lib ishlagan.
