Kolumbiyadagi zilzila qurbonlari soni 250 kishidan oshdi
Mamlakatda milliy falokat holati e’lon qilinib, qidiruv-qutqaruv ishlari davom etmoqda.
Kolumbiyaning g‘arbiy qismida sodir bo‘lgan kuchli zilzila oqibatida halok bo‘lganlar soni 250 kishidan oshdi. Bu haqda Reuters mamlakat hukumati ma’lumotlariga tayanib xabar berdi.
10-avgust kuni ertalab Kolumbiyada 7,4 magnitudali zilzila qayd etilgan edi. Zilzila epitsentri mamlakat g‘arbidagi San-Xose-del-Palmar shahri yaqinida joylashgan.
Tabiiy ofat Kolumbiyaning markaziy va janubi-g‘arbiy hududlarida kuchli sezilgan. Shuningdek, yer silkinishlari qo‘shni Ekvador, Panama va Venesuelada ham qayd etilgan.
Eng jiddiy oqibatlar Pereira hududida kuzatilgani ma’lum qilinmoqda. Bu yerda 66 kishi halok bo‘lgan, 72 kishi jarohatlangan. Ayrim hududlarda fuqarolar bedarak yo‘qolgani haqida ham xabarlar mavjud.
Zilzila oqibatida ko‘plab turar joylar, ijtimoiy obyektlar va transport infratuzilmasiga zarar yetgan. Mamlakatda milliy falokat holati e’lon qilingan.
Ayni paytda qidiruv-qutqaruv ishlari davom ettirilmoqda. Qurbonlar va jarohatlanganlar soni bo‘yicha ma’lumotlar tegishli idoralar tomonidan aniqlashtirilmoqda.
