Putin ilk bor Kuril orollariga tashrif buyurdi — Yaponiya e’tiroz bildirdi
Yaponiya TIV Iturup va boshqa janubiy Kuril orollarini o‘z hududi deb hisoblashini ta’kidlagan.
Rossiya prezidenti Vladimir Putin Kuril orollarining Iturup oroliga tashrif buyurdi. Bu Rossiya davlat rahbarining Kuril orollariga ilk tashrifi bo‘ldi. Bu haqda Ria Novosti xabar berdi.
Putinning tashrifi ortidan Yaponiya Rossiyaga “qat’iy norozilik” bildirdi. Yaponiya Tashqi ishlar vazirligi Tokio Kuril orollarining janubiy qismini, jumladan Iturupni, “Shimoliy hududlar” deb atashi va ularni Yaponiya hududi deb hisoblashi haqida bayonot berdi.
Yaponiya tomonining ta’kidlashicha, ushbu hududlar tarixiy va huquqiy nuqtai nazardan Yaponiyaga tegishli. Shu sababli Tokio Rossiya prezidentining Iturupga tashrifini qabul qilib bo‘lmaydigan harakat sifatida baholagan.
Kuril orollarining janubiy qismi ustidan hududiy da’vo Rossiya va Yaponiya o‘rtasidagi uzoq yillik nizolardan biri bo‘lib qolmoqda. Ikkinchi jahon urushidan keyin arxipelag Sovet Ittifoqi nazoratiga o‘tgan. Yaponiya esa Iturup, Kunashir, Shikotan va Habomai orollari bo‘yicha o‘z da’vosini saqlab kelmoqda.
Moskva esa ushbu hududlar ustidan Rossiyaning suvereniteti xalqaro huquq asosida rasmiylashtirilganini va u shubhasiz ekanini ta’kidlab keladi.
