Qirg‘izistonda 8 kunlik chaqaloqdan olma kattaligidagi o‘sma olib tashlandi
Yangi tug‘ilgan chaqaloqqa murakkab jarrohlik amaliyoti bajarildi.
Qirg‘izistonda shifokorlar oyog‘ida o‘sma bilan tug‘ilgan 8 kunlik chaqaloqni operatsiya qildi. Jarrohlik amaliyoti Milliy onalik va bolalikni muhofaza qilish markazida muvaffaqiyatli o‘tkazilgan.
Bu haqda markazning Bolalar onkologiyasi va gematologiyasi bo‘limi mudiri Sulton Stambekov ma’lum qildi deydi Akipress.
Shifokorning so‘zlariga ko‘ra, ayrim o‘smalar tug‘ma bo‘lib, homiladorlik davridayoq yoki chaqaloq hayotining dastlabki kunlarida aniqlanishi mumkin. Bunday holatlar, ayniqsa, yangi tug‘ilgan chaqaloqlarda, tezkor va aniq tibbiy yondashuvni talab qiladi.
Operatsiya bolalar va neonatal jarrohlar ishtirokida amalga oshirilgan. Mutaxassislar chaqaloqning nihoyatda kichik yoshi va jarrohlik asoratlari xavfi yuqoriligini hisobga olgan holda muolajani alohida ehtiyotkorlik bilan olib borgan.
Stambekov bolalar onkologiyasi faqat kimyoterapiya bilan cheklanmasligini, balki jarrohlik, intensiv terapiya, anesteziologiya, neonatologiya va zamonaviy diagnostikani ham qamrab olishini ta’kidlagan.
“Atigi 8 kunlik — va bu allaqachon hayot uchun katta kurash”, — deb yozgan shifokor.
