Misr Makka shartnomasiga qo‘shilishi mumkin
Tashqi ishlar vaziri masala huquqiy va texnik jihatdan ham ko‘rib chiqilishini bildirdi.
Misr Pokiston, Saudiya Arabistoni va Turkiya tomonidan imzolangan Makka mudofaa shartnomasiga qo‘shilish imkoniyatlarini o‘rganmoqda. Bu haqda Misr tashqi ishlar vaziri Badr Abdul Ati ma’lum qildi.
Vazirning ta’kidlashicha, Qohira ushbu masalani huquqiy va texnik jihatlarini ham inobatga olgan holda har tomonlama ko‘rib chiqishi lozim.
“Bu masala bo‘yicha fikrlarimiz bor, biroq avvalo uni turli nuqtai nazardan, jumladan, huquqiy va texnik jihatlardan ko‘rib chiqishimiz kerak”, — degan Badr Abdul Ati.
Uning qayd etishicha, Misr mudofaa kelishuvi bo‘yicha barcha ishtirokchi davlatlar bilan yaqin aloqada va muntazam muvofiqlashtirishni davom ettirmoqda.
Makka shartnomasi 7-avgust kuni Saudiya Arabistoni valiahd shahzodasi Muhammad bin Salmon, Turkiya prezidenti Rajab Toyyib Erdo‘g‘on va Pokiston bosh vaziri Shahboz Sharif tomonidan imzolangan. Kelishuvga ko‘ra, ishtirokchi davlatlardan biriga qilingan qurolli hujum barcha tomonlarga qarshi tajovuz sifatida baholanadi.
