Qozog‘istonda 6254 ta maktab terroristik tahdidlarga moyil deb topildi
Ular videokuzatuv, vahima tugmalari, kirishni nazorat qilish tizimlari va litsenziyalangan qo‘riqlash xizmati bilan ta’minlangan.
Qozog‘istonda faoliyat yuritayotgan 8028 ta maktabdan 6254 tasi terroristik tahdidlar nuqtayi nazaridan zaif obyekt sifatida tasniflangan. Bu haqda Qozog‘iston Respublikasi Ta’lim vazirligi ma’lum qildi.
Vazirlik ma’lumotlariga ko‘ra, mazkur toifadagi barcha maktablar terrorizmga qarshi xavfsizlik bo‘yicha belgilangan talablarga muvofiq jihozlangan.
Xususan, ta’lim muassasalarida ichki ishlar organlarining tezkor boshqaruv markazlariga ulangan videokuzatuv kameralari, vahima tugmalari, kirishni nazorat qilish va boshqarish tizimlari mavjud. Shuningdek, obyektlarda litsenziyaga ega qo‘riqlash xizmatlari tashkil etilgan.
2025-yil oxirida Qozog‘iston Ta’lim vazirligi Ichki ishlar vazirligi hamda mahalliy ijro etuvchi hokimiyat organlari bilan hamkorlikda mamlakatdagi barcha maktablarning terrorizmga qarshi himoya talablariga muvofiqligini aniqlash maqsadida audit o‘tkazgan.
Tegishli ma’lumotlarga ko‘ra, terroristik tahdidlarga zaif obyekt sifatida tasniflangan barcha 6254 ta maktab belgilangan xavfsizlik talablariga javob beradi.
Bundan tashqari, maktablarda xodimlar, o‘qituvchilar va o‘quvchilar ishtirokida favqulodda vaziyatlarda harakat qilish bo‘yicha muntazam o‘quv mashg‘ulotlari o‘tkaziladi. Bunday treninglar kamida har olti oyda ikki marta tashkil etilishi belgilangan.
