Jizzaxda kredit qarzlari sabab mashinalar xatlanmoqda
Banklar oldidagi kredit majburiyatlarini o‘z vaqtida bajarmagan qarzdorlarga tegishli, kredit taʼminoti sifatida garovga qo‘yilgan mol-mulklar belgilangan tartibda aniqlanib, xatlash choralari qo‘llanilmoqda.
Byuroning Jizzax viloyati boshqarmasi ish yurituvida bo‘lgan banklar foydasiga undiruv bilan bog‘liq ijro ishlari doirasida qarzdorliklarni bartaraf etishga qaratilgan ijro harakatlari izchil amalga oshirilmoqda.
Jumladan, banklar oldidagi kredit majburiyatlarini o‘z vaqtida bajarmagan qarzdorlarga tegishli, kredit taʼminoti sifatida garovga qo‘yilgan mol-mulklar belgilangan tartibda aniqlanib, xatlash choralari qo‘llanildi.
Mazkur ijro harakatlari qarzdorliklarni undirish, undiruvchining qonuniy talablarini taʼminlash hamda ijro hujjatlarida belgilangan majburiyatlarning bajarilishini kafolatlash maqsadida amalga oshirildi.
Garov mulkining xatlanishi qarzdor tomonidan o‘z majburiyatini bajarish uchun qo‘shimcha huquqiy taʼsir chorasi bo‘lib, qarzdorlik ixtiyoriy ravishda bartaraf etilmagan taqdirda, qonunchilikda belgilangan tartibda keyingi majburiy ijro choralari qo‘llanilishi mumkin.
Byuroning Jizzax viloyati boshqarmasi tomonidan banklar foydasiga undiruv bilan bog‘liq ijro hujjatlarini o‘z vaqtida va to‘liq ijro etish, kreditorlarning qonuniy huquq va manfaatlarini taʼminlash hamda qarzdorliklarni undirish borasidagi ishlar davom ettirilmoqda.
