Toshkentda ko‘p qavatli uyning tom qismida yong‘in chiqdi
Yong‘in soat 22:43 da qurshab olingan, hozirda uni to‘liq bartaraf etish ishlari olib borilmoqda.
16-avgust kuni soat 22:02 da Toshkent shahri Mirzo Ulug‘bek tumanidagi Asaka ko‘chasida joylashgan ko‘p qavatli uyning tom qismida yong‘in sodir bo‘ldi. Bu haqda Toshkent shahar Favqulodda vaziyatlar boshqarmasi xabar berdi.
Hodisa haqida xabar kelib tushgach, qutqaruv bo‘linmalari voqea joyiga zudlik bilan yetib borgan. Yong‘inni o‘chirish ishlari olib borilgan.
Qayd etilishicha, yong‘in soat 22:43 da qurshab olingan. Vaziyat Toshkent shahar FVBB tomonidan nazoratga olingan.
Hozircha yong‘in oqibatida jabrlanganlar yoki zarar miqdori haqida ma’lumot berilmagan.
