AQSh Eronga qarshi yadroviy qurol ishlatishi mumkin
Sobiq kongressmen AQSh Eronga qarshi yadroviy qurol qo‘llash ehtimolini muhokama qilayotganini ma'lum qildi.
AQShning sobiq kongressmeni Marjori Teylor Grin Vashingtonda Eronga qarshi yadroviy quroldan foydalanish ehtimoli muhokama qilinayotganini ma’lum qildi.
Grin 16-avgust kuni X ijtimoiy tarmog‘idagi sahifasida AQShning yuqori darajadagi strategik uchrashuvlarida Eronga qarshi yadroviy quroldan foydalanish masalasi ko‘rib chiqilayotganini yozgan.
Biroq sobiq kongressmen bu da’vosini tasdiqlovchi dalillarni keltirmagan.
Grin, shuningdek, AQSh ma’muriyatini Eronning yadroviy qurol yaratishga yaqin emasligini ko‘rsatuvchi razvedka ma’lumotlarini e’tiborsiz qoldirishda va Isroil ma’lumotlariga ustuvor ahamiyat berishda ayblagan.
Uning fikricha, mojaroda keskinlikning yanada kuchayishi jiddiy oqibatlarga, jumladan, global yadroviy falokat xavfiga olib kelishi mumkin.
Hozircha Oq uy mazkur bayonotlarga rasmiy munosabat bildirgani haqida ma’lumot yo‘q.
