Janubiy Koreya va AQSh qo‘shma harbiy mashg‘ulotlarni boshladi
Manevrlarda Janubiy Koreyaning qariyb 18 ming harbiy xizmatchisi qatnashmoqda.
Janubiy Koreya va AQSh qurolli kuchlari “Ulchi Freedom Shield” qo‘shma harbiy mashg‘ulotlarini reja asosida boshladi. Bu haqda Janubiy Koreyaning Newsis axborot agentligi xabar berdi.
2026-yilgi mashg‘ulotlarda Janubiy Koreyaning qariyb 18 ming nafar harbiy xizmatchisi ishtirok etmoqda. Manevrlarga 17–27-avgust kunlari o‘tkazilishi rejalashtirilgan.
Avvalroq AQSh prezidenti Donald Tramp qo‘shma mashg‘ulotlar ko‘lamini qisqartirish haqida buyruq berganini ma’lum qilgan edi. Biroq Janubiy Koreya Mudofaa vazirligi AQSh prezidentining ushbu bayonoti bo‘yicha rasmiy bildirishnoma olmagan.
Shuningdek, mahalliy OAV ma’lumotlariga ko‘ra, Trampning bayonotidan avval ham dala mashg‘ulotlari soni 17 tadan 14 tagacha qisqartirilgan.
“Ulchi Freedom Shield” Koreya yarim orolida AQSh va Janubiy Koreya o‘rtasida o‘tkaziladigan yirik qo‘shma harbiy mashg‘ulotlardan biridir.
