Keniyada turistlar bo‘lgan vertolyot halokati oqibatida 7 kishi halok bo‘ldi
Politsiya hisobotida halok bo‘lgan turistlarning fuqaroligi ko‘rsatilmagan.
Keniya shimolidagi Samburu okrugida turistlarni olib ketayotgan vertolyot halokatga uchradi. Hodisa oqibatida uchuvchi va olti nafar turist, jami yetti kishi halok bo‘lgan. Bu haqda Reuters Archers Post politsiya bo‘limining dastlabki hisobotiga tayanib xabar berdi.
Dastlabki ma’lumotlarga ko‘ra, vertolyot Loisaba qo‘riqxonasiga uchayotgan vaqtda halokatga uchragan. Hodisa Samburu okrugidagi Mount Ololokve tog‘i yaqinida sodir bo‘lgan.
Politsiya hisobotida halok bo‘lgan turistlarning fuqaroligi ko‘rsatilmagan.
Hashamatli sayohatlarni tashkil etuvchi &Beyond kompaniyasi ham o‘z mijozlarini olib ketayotgan vertolyot Mount Ololokve yaqinida halokatga uchraganini tasdiqlagan.
Kompaniya bayonotida mahalliy rasmiylar hodisani tergov qilayotgani va halokat sababi hozircha aniqlanmagani qayd etilgan.
