O‘zbekistonda elektr energiyasi ishlab chiqarish 7,8 foizga oshdi
Joriy yilning yanvar–iyul oylarida 54,3 mlrd kVt·soat elektr energiyasi ishlab chiqarilgan.
2026-yilning yanvar–iyul oylarida O‘zbekistonda 54,3 milliard kVt·soat elektr energiyasi ishlab chiqarildi. Bu o‘tgan yilning mos davriga nisbatan 3,9 milliard kVt·soat yoki 7,8 foizga ko‘p. Bu haqda Energetika vazirligi matbuot xizmati xabar berdi.
Ishlab chiqarilgan elektr energiyasining:
-
38,9 mlrd kVt·soati — issiqlik elektr stansiyalari;
-
7,5 mlrd kVt·soati — yirik quyosh va shamol elektr stansiyalari;
-
5,4 mlrd kVt·soati — gidroelektr stansiyalar;
-
1,9 mlrd kVt·soati — kichik quvvatli quyosh panellari (Rooftop);
-
593,7 mln kVt·soati — blok-stansiyalar hissasiga to‘g‘ri kelgan.
Hisobot davrida respublika bo‘yicha 52,9 milliard kVt·soat elektr energiyasi iste’mol qilindi. Bu 2025-yilning shu davriga nisbatan 2,6 milliard kVt·soat yoki 5,2 foizga ko‘p.
2026-yil iyul oyida respublikada 8,9 milliard kVt·soat elektr energiyasi ishlab chiqarilgan. Bu o‘tgan yilning iyul oyiga nisbatan 920,3 million kVt·soat yoki 11,6 foizga ko‘p.
Shu oyda elektr energiyasi iste’moli 8,8 milliard kVt·soatni tashkil etdi. Mazkur ko‘rsatkich 2025-yil iyul oyiga nisbatan 638,8 million kVt·soat yoki 7,8 foizga yuqori.
