Rossiyada migrantlarning pul o‘tkazmalariga soliq joriy etish taklif qilindi
Ma'lum qilinishicha, 2026-yilda migrantlar chet elga 17 milliard rubldan ortiq mablag‘ yuborgan.
Rossiyaning “Adolatli Rossiya” partiyasi raisi Sergey Mironov migrantlarning Rossiyadan xorijga amalga oshiradigan bank o‘tkazmalariga 3 foizlik soliq joriy etishni taklif qildi. Bu haqda TASS xabar berdi.
Mironovning aytishicha, migrantlarning chet elga pul yuborishi uchun alohida to‘lov mexanizmini yaratish zarur. Uning taklifiga ko‘ra, xorijga amalga oshiriladigan har bir bank o‘tkazmasining 3 foizi miqdorida soliq undirilishi kerak.
Deputat migrantlar tomonidan 2026-yilda chet elga 17 milliard rubldan ortiq mablag‘ o‘tkazilganini ta’kidlagan. Uning fikricha, ayni paytda xorijiy fuqarolar ushbu pul o‘tkazmalari uchun alohida to‘lov amalga oshirmayapti.
