Toshkent viloyatida Cobalt Spark’ni yo‘ldan chiqarib yubordi: ota va o‘g‘il halok bo‘ldi
Hodisa joyidan qochgan Cobalt haydovchisi qo‘lga olingan va holat yuzasidan jinoyat ishi qo‘zg‘atilgan.
Toshkent viloyatida ikki kishining o‘limiga sabab bo‘lgan og‘ir yo‘l-transport hodisasi sodir bo‘ldi. Hodisa oqibatida ota va uning o‘g‘li halok bo‘lgan, ayol shifoxonaga yotqizilgan.
Ichki ishlar Bosh boshqarmasi boshlig‘ining matbuot kotibi ma’lum qilishicha, hodisa 2026-yil 15-avgust kuni soat 09:30 da sodir bo‘lgan. Dastlabki ma’lumotlarga ko‘ra, 1997-yilda tug‘ilgan Cobalt haydovchisi quvib o‘tish manyovrini amalga oshirayotgan vaqtda oldinda harakatlanayotgan Spark haydovchisini o‘tkazib yuborish choralarini ko‘rmagan.
Natijada Cobalt Spark avtomobilini qatnov qismidan chiqarib yuborgan. Shundan so‘ng Cobalt haydovchisi hodisa joyidan ketib qolgan.
Millarning malum qilishicha, YTH oqibatida Spark avtomobilida bo‘lgan 1987 va 2021-yilda tug‘ilgan ikki nafar yo‘lovchi voqea joyida vafot etgan. Ayol haydovchi esa shifoxonaga yotqizilgan.
Shu kunning o‘zida Cobalt haydovchisining shaxsi aniqlanib, u qo‘lga olingan.
Mazkur holat yuzasidan Jinoyat kodeksining 266-moddasi 3-qismi “a” bandi bilan jinoyat ishi qo‘zg‘atilgan. Hozirda tergov harakatlari olib borilmoqda.
Tergov organlarining yakuniy xulosasiga ko‘ra, jamoatchilikka qo‘shimcha axborot taqdim etiladi.
