O‘zbekiston ikkinchi AES qurishga tayyorgarlik ko‘rmoqda
Prezident elektr energiyasini kafolatli yetkazib berish va uning tannarxini kamaytirish zarurligini ta’kidladi.
O‘zbekistonda ikkinchi atom elektr stansiyasini qurish loyihasi bo‘yicha katta tayyorgarlik ishlari olib borilmoqda. Bu haqda Prezident Shavkat Mirziyoyev 17-avgust kuni Xorazm viloyatida yangi investitsiya loyihalarini ishga tushirish marosimida ma’lum qildi.
Davlat rahbari Jizzax viloyatida atom elektr stansiyasi qurilayotganini ta’kidlab, O‘zbekistonda ikkinchi atom elektr stansiyasi bo‘yicha ham katta tayyorgarlik ko‘rilayotganini bildirgan.
Prezident elektr energiyasi bilan kafolatli ta’minlash va uning tannarxini kamaytirish mamlakatning 2030-yilgacha mo‘ljallangan rivojlanish strategiyasini amalga oshirishdagi muhim vazifalardan ekanini qayd etgan.
“Yaqinda ikkinchi stansiya bo‘yicha ham katta tayyorgarlik qilyapmiz”, — degan Shavkat Mirziyoyev.
Davlat rahbari investitsiyalarni jalb qilish, elektr energiyasini kafolatli yetkazib berish hamda uning tannarxini pasaytirish bo‘yicha zarur choralarni ko‘rish lozimligini ta’kidlagan.
