Qashqadaryoda haydovchi 3 yoshli bolani bosib ketdi
Go‘dakka shifokorlar tomonidan birinchi tibbiy yordam ko‘rsatilgan.
Qashqadaryo viloyati Qamashi tumanida yosh bola ishtirokida yo‘l-transport hodisasi sodir bo‘ldi. Bu haqda viloyat IIB JXX YHXB Axborot xizmati ma’lum qildi.
2026-yil 30-iyun kuni soat 20:00 larda Qamashi tumani D-149 avtomobil yo‘lining 1-kilometrida 2009-yilda tug‘ilgan U. Y. boshqaruvidagi “Chery” rusumli avtomobil harakatni boshlashi vaqtida yo‘lning chetki qismida turgan 2023-yilda tug‘ilgan A. B. ni turtib yuborgan.
Hodisa oqibatida piyodaga shifokorlar tomonidan birinchi tibbiy yordam ko‘rsatilgan.
Mazkur holat Qashqadaryo viloyati IIB JXX YHXB mas’ul xodimlari tomonidan qonuniy tartibda rasmiylashtirilgan. Transport vositasi vaqtincha saqlash uchun jarima maydoniga joylashtirilgan.
Hozirda to‘plangan ish hujjatlarini Jinoyat ishlari bo‘yicha Qamashi tuman sudiga yuborish choralari ko‘rilmoqda.
