UzQR olish endi onlayn amalga oshiriladi
Tadbirkorlar endi QR-kodni bankka bormasdan, Biznes 24/7 ilovasi orqali olish mumkin.
“Biznesni rivojlantirish banki” ATB tadbirkorlar uchun UzQR olish jarayonini raqamlashtirdi. Endilikda tadbirkorlar QR-kod olish uchun bank ofisiga borishi shart emas. Barcha jarayonni masofadan turib Biznes 24/7 ilovasi orqali amalga oshirish mumkin.
Yangi xizmat tadbirkorlarga vaqtni tejash, to‘lovlarni qabul qilish jarayonini soddalashtirish va savdo nuqtalarida naqd pulsiz hisob-kitoblarni qulay tashkil etish imkonini beradi.
Yagona UzQR — turli to‘lovlar uchun yagona yechim
Tadbirkor bitta UzQR orqali turli banklar va to‘lov ilovalari orqali amalga oshiriladigan to‘lovlarni qabul qilishi mumkin. Bu bir nechta QR-kod yoki qo‘shimcha qurilmalardan foydalanish zaruratini kamaytiradi.
QR orqali amalga oshirilgan to‘lovlar tadbirkorning bank hisobvarag‘iga kelib tushadi. Barcha operatsiyalarni yagona platforma orqali kuzatib borish mumkin. Natijada to‘lovlarni qabul qilish jarayoni soddalashib, mijozlarga xizmat ko‘rsatish tezlashadi.
Mijozlar uchun ham qulay
UzQR orqali xaridorlar o‘zlariga qulay bo‘lgan bank yoki to‘lov ilovasi yordamida to‘lovni amalga oshirishlari mumkin. Bu naqd pulsiz hisob-kitoblarni yanada qulaylashtirib, to‘lov jarayonini tezlashtiradi.
UzQR’ni qanday olish mumkin?
Tadbirkorlar Biznes 24/7 ilovasi orqali quyidagi ketma-ketlikda UzQR olishlari mumkin:
Yagona QR → Ariza yuborish → Ariza holatini kuzatish → QR-kodni shakllantirish → Yuklab olish
“Biznesni rivojlantirish banki” ATB tadbirkorlar uchun raqamli xizmatlarni rivojlantirish va bank xizmatlaridan foydalanish jarayonlarini soddalashtirishga qaratilgan yangi yechimlarni joriy etishda davom etmoqda.
