Ispaniyada jazirama tufayli o‘limlar soni 4,5 mingga yaqinlashdi
Bu ko‘rsatkich 2022-yildan beri eng yuqori natija hisoblanadi.
Ispaniyada 1-iyundan 19-avgustgacha bo‘lgan davrda issiq ob-havo bilan bog‘liq qariyb 4,5 mingta o‘lim qayd etilgan. Bu haqda mamlakatdagi kundalik o‘lim holatlarini monitoring qilish tizimi ma’lumotlari asosida TASS xabar berdi.
Qayd etilishicha, mazkur ko‘rsatkich 2022-yildan beri eng yuqori natija hisoblanadi. 2025-yilning mos davrida esa bu ko‘rsatkich qariyb 3 100 tani tashkil etgan.
Ispaniya meteorologlari ma’lumotlariga ko‘ra, 2026-yilning birinchi yarmi mamlakatda so‘nggi 65 yildagi eng issiq davr bo‘lgan.
Shuningdek, 2026-yil iyuni Ispaniya tarixidagi yoz mavsumining ikkinchi eng issiq boshlanishi sifatida qayd etilgan. Iyul oyi esa 1961-yilda boshlangan meteorologik kuzatuvlar tarixidagi eng issiq va eng quruq iyul bo‘lgan.
