Jizzaxda kreditdan qarzdor fuqaroning mashinasi xatlandi
Shundan so‘ng transport vositasi jarima maydonchasiga joylashtirilgan.
MIBning Jizzax viloyati boshqarmasi ish yurituvida bo‘lgan ikki nafar undiruvchi — banklar foydasiga kredit qarzdorligini undirish bilan bog‘liq ijro ishlari doirasida navbatdagi taʼsirchan chora ko‘rildi.
Ijro harakatlari davomida qarzdorlarga tegishli avtotransport vositalari aniqlanib, ular belgilangan tartibda xatlovga olindi va jarima maydoniga joylashtirildi.
Mazkur choralar kredit majburiyatlarini bajarishni taʼminlash, qarzdorlikni undirish hamda ijro hujjatlarida belgilangan talablarni amalda taʼminlash maqsadida amalga oshirildi.
Qarzdorlikning o‘z vaqtida bartaraf etilmasligi natijasida qarzdorning mol-mulkiga nisbatan qonunchilikda nazarda tutilgan majburiy ijro choralari qo‘llanilishi mumkin.
Byuroning Jizzax viloyati boshqarmasi tomonidan banklar foydasiga undiruvlarni taʼminlash, qarzdorliklarni qoplatish va ijro hujjatlari talablarini to‘liq bajarish yuzasidan amaliy ishlar davom ettirilmoqda.
