MIB xodimlari o‘quvchilarga maktab sumkalari topshirdi
Tadbir davomida 31 nafar bola o‘quv quroliga ega bo‘ldi.
Yangi o‘quv yili arafasida Majburiy ijro byurosi Beshariq tuman bo‘limi tomonidan 31 nafar bolajonga yangi o‘quv yili uchun maktab sumkalari va o‘quv qurollari topshirildi.
Bolajonlarning yuzidagi quvonch, ko‘zlaridagi hayajon va samimiy tabassum barchani birdek xursand qildi. Zero, farzandlarga ko‘rsatilgan har bir eʼtibor va g‘amxo‘rlik ularning qalbida ezgulik va mehr uyg‘otadi.
Tadbir davomida bolajonlar Mustaqillik bayrami bilan samimiy tabriklanib, yangi o‘quv yilida aʼlo baholar, ulkan yutuqlar va ezgu niyatlarining amalga oshishi tilab qolindi.
«Har bir bolaning quvonchi — biz uchun katta baxt», — deydi Byuroning Beshariq tuman bo‘limi boshlig‘i Lazizxon Alixodjayev.
