Namanganda ikki kater to‘qnashdi: ikki kishi halok bo‘lgani aytilmoqda
Hodisa yuzasidan hozircha rasmiy izoh berilmagan.
Namangan viloyatida 23-avgust kuni dam oluvchilarni olib ketayotgan ikki kater to‘qnashib ketdi. Hodisa Sirdaryo daryosining To‘raqo‘rg‘on tumani hududidan o‘tgan qismida sodir bo‘lgan.
Kun.uz ma'lum qilishicha, dam olish maskani mehmonlarini sayr qildirish uchun daryoga chiqqan ikki kater ko‘prik ostida to‘qnashgan.
Hodisa oqibatida ikki kishi halok bo‘lgani aytilmoqda. Ijtimoiy tarmoqlarda tarqalgan tasvirlarda qutqaruv nimchasini kiygan fuqarolar suvda oqib ketayotgani, katerdagilar esa ularni qutqarishga urinayotgani ko‘rinadi.
Hozircha hodisa yuzasidan tegishli tashkilotlar tomonidan rasmiy ma’lumot yoki izoh berilmagan.
