Sirdaryoda aliment to‘lashdan qochib yurgan ota ushlandi
Qidiruv harakatlari natijasida qarzdor ota topilib, davlat ijrochisiga topshirildi.
Majburiy ijro byurosining Guliston shahar bo‘limi ish yurituvidagi ijro hujjatiga asosan, fuqaro D.o.dan voyaga yetmagan farzandiga aliment undirish belgilangan edi.
Biroq qarzdor ota aliment majburiyatini bajarishdan bo‘yin tovlab, davlat ijrochisidan yashirinib yurgani sababli unga nisbatan qidiruv eʼlon qilindi.
Olib borilgan qidiruv harakatlari natijasida qarzdor ota topilib, davlat ijrochisiga topshirildi.
Agar mavjud aliment qarzdorligi bartaraf etilmasa, masʼuliyatsiz otaga nisbatan qonunchilikda belgilangan tartibda javobgarlik masalasi hal etiladi.
