O‘zbekistonda ishsizlik va qashshoqlik darajasi 4,5 foizgacha pasaydi
Yilning birinchi yarmida 506 ming kishi doimiy ish bilan ta’minlandi.
O‘zbekistonda 2026-yilning birinchi yarmida ishsizlik darajasi 4,8 foizdan 4,5 foizgacha, qashshoqlik darajasi esa 4,5 foizgacha kamaydi. Bu haqda Oliy Majlis Qonunchilik palatasida Vazirlar Mahkamasining davlat dasturi ijrosi yuzasidan hisobotida ma’lum qilindi.
Hisobot davrida 506 ming nafar fuqaro doimiy ish bilan ta’minlandi, 2 million 616 ming nafar aholining daromadi oshirildi. Shuningdek, 546 ming nafar norasmiy band fuqaroning faoliyati qonuniylashtirildi.
Mahallalar ixtisoslashuvini rivojlantirish doirasida 104 mingta mikroloyiha ishga tushirilib, ular orqali 246 ming nafar aholining bandligi ta’minlangan.
Ko‘rilgan choralar natijasida yil boshida 4,8 foiz bo‘lgan ishsizlik darajasi 4,5 foizga tushgan. Qashshoqlik darajasi ham 4,5 foizni tashkil etgan.
Shuningdek, 2 756 ta mahalla “kambag‘allikdan xoli” hududga aylantirilgan. “Ijtimoiy reyestr”ga kiritilgan 227 mingta kambag‘al oilaga daromadlarini oshirishga qaratilgan 300 mingta xizmat ko‘rsatilgan.
