“Elektr uzildi” degan gap odamlarning esidan chiqib ketdi — Shavkat Abdurazzoqov
Namangan viloyati hokimi viloyatda elektr ta’minoti yaxshilangani va yirik energetika loyihalari amalga oshirilayotganini ta’kidladi.
Namangan viloyati hokimi Shavkat Abdurazzoqov viloyatda elektr energetikasi sohasida amalga oshirilayotgan yirik loyihalar natijasida aholining elektr ta’minotiga bo‘lgan ishonchi oshganini ta’kidladi.
Uning qayd etishicha, so‘nggi yillarda Namangan viloyatida yangi elektr energiyasi ishlab chiqarish quvvatlarini yaratishga qaratilgan qator yirik loyihalar amalga oshirilmoqda.
Xususan, viloyat hududida har biri 500 megavatt quvvatga ega ikkita quyosh elektr stansiyasi, Uchqo‘rg‘on, Norin va Uychi tumanlarida umumiy quvvati qariyb 300 megavatt bo‘lgan GESlar, shuningdek, Pop tumanida 200 megavatt quvvatli yangi GES qurilishi rejalashtirilgan.
Shavkat Abdurazzoqov ushbu loyihalarni mamlakatda elektr energetikasi sohasida amalga oshirilayotgan islohotlarning amaliy natijasi sifatida baholadi.
“Bitta narsaga amin bo‘lib, hamma qaytaryaptiki, O‘zbekistonda, Namanganda «elektr uzildi» degan gap odamlarning esidan chiqib ketdi”, — dedi viloyat hokimi.
