O‘zbekiston limon eksportini 2,2 barobarga oshirdi
6 oyda eng ko‘p mahsulot Qozog‘iston va Rossiyaga yetkazib berilgan.
2026-yilning yanvar–iyun oylarida O‘zbekiston 4,1 ming tonna limon eksport qildi. Eksport qilingan mahsulotlarning umumiy qiymati 4,2 million AQSH dollarini tashkil etdi.
Milliy statistika qo‘mitasi ma’lumotlariga ko‘ra, limon eksporti hajmi 2025-yilning mos davriga nisbatan 2,2 barobarga oshgan.
Hisobot davrida O‘zbekiston limonlarini eng ko‘p quyidagi davlatlarga eksport qilgan:
- Qozog‘iston — 2,3 ming tonna;
- Rossiya — 1,7 ming tonna;
- Qirg‘iz Respublikasi — 163,7 tonna;
- Afg‘oniston — 18 tonna;
- Birlashgan Arab Amirliklari — 2,4 tonna;
- Boshqa davlatlar — 3 tonna.
