Bugun 7 ta hududda kuchli shamol va chang-to‘zon kuzatiladi
Ayrim hududlarida shamol tezligi 20–22 m/s gacha kuchayishi mumkin.
28-avgust kuni kunduz kuni Qoraqalpog‘iston Respublikasi, Buxoro, Navoiy, Samarqand, Jizzax va Qashqadaryo viloyatlarining ayrim hududlarida shamol tezligi 13–18 m/s gacha kuchayishi kutilmoqda.
Buxoro, Navoiy va Samarqand viloyatlarining baʼzi joylarida shamol tezligi vaqti-vaqti bilan 20–22 m/s gacha yetishi, ayrim hududlarda esa kuchli shamol chang-to‘zon bilan kuzatilishi mumkin.
Toshkent shahrida ham shamol tezligi 10–12 m/s gacha kuchayishi, ayrim joylarda chang-to‘zon kuzatilishi ehtimoli bor.
Eslatib o‘tamiz, avvalroq sentyabr oyidagi ob-havo haqida ham maʼlumot berilgandi. Unga ko‘ra, sentyabrda havo nisbatan quruq va biroz iliq bo‘lishi, ayrim kunlarda harorat 37 darajagacha ko‘tarilishi mumkin. Shu bilan birga, oyning ayrim davrlarida haroratning pasayishi ham kutilmoqda.
