O‘zbekiston 2027–2029-yillarda Qo‘shilmaslik harakatiga raislik qiladi
Dunyodagi 120 dan ortiq davlatni birlashtirgan ushbu tuzilmaning samaradorligini oshirishga qaratilgan tashabbuslar ilgari suriladi.
Prezident Shavkat Mirziyoyev O‘zbekistonni xalqaro diplomatiyaning muhim markaziga aylantirish uchun ko‘p qirrali, vazmin va muvozanatli tashqi siyosat davom ettirilishini ta’kidladi.
Davlat rahbari iqtisodiy diplomatiya tashqi siyosatning ustuvor yo‘nalishlaridan biri bo‘lib qolishini qayd etdi.
Shuningdek, O‘zbekiston 2027–2029-yillarda Qo‘shilmaslik harakatiga ilk marotaba raislik qilishi ma’lum qilindi. Dunyodagi 120 dan ortiq davlatni birlashtirgan ushbu tuzilmaning samaradorligini oshirishga qaratilgan tashabbuslar ilgari suriladi.
Prezident O‘zbekistonning Afg‘oniston bo‘yicha konstruktiv siyosatini ham izchil davom ettirishini ta’kidladi.
Shavkat Mirziyoyev tantanali marosimda ishtirok etgan diplomatik korpus vakillari, xorijiy OAV xodimlari hamda AQSH, Turkiya va Singapurdan kelgan yuqori martabali mehmonlarga samarali hamkorlik uchun minnatdorlik bildirdi.
