Toshkent viloyatida 61 kishi MIB orqali ishiga tiklandi
Shuningdek, korxonadan fuqaro foydasiga 1,2 mlrd so‘m ish haqi undirilgan.
Majburiy ijro byurosi Toshkent viloyati boshqarmasi va hududiy bo‘limlari tomonidan fuqarolarning mehnat huquqini himoya qilish, ishdan asossiz bo‘shatilgan xodimlarni ishga tiklash hamda to‘lanmagan ish haqlarini undirish yuzasidan chiqarilgan sud qarorlari ijrosini taʼminlash borasida tegishli chora-tadbirlar olib borilmoqda.
Bugungi kunda hududiy bo‘limlar ish yurituvida fuqarolarga ish haqlari undirish bilan bog‘liq 144 ta jami 5,5 mlrd so‘mlik ijro hujjatlari yuzasidan majburiy ijro harakatlari olib borilib, shundan 3,0 mlrd so‘mlik 72 ta ijro hujjati tamomlangan.
Shuningdek, ishga tiklash bilan bog‘liq 89 ta ijro hujjatlaridan 61 tasi tamomlanib, fuqarolar o‘z ishiga qayta tiklangan.Xususan, ijro harakatlari davomida, qarzdor korxonadan fuqaro foydasiga 1,2 mlrd so‘m ish haqidan qarzdorlik to‘liq undirilib, ijro hujjatining ijrosi amalda taʼminlangan. Bu boradagi tadbirlar davom ettirilmoqda.
