Tramp Oy obyektlaridan biriga o‘z nomini bermoqchi
So‘nggi vaqtlarda AQSh prezidenti geografik obyektlarni qayta nomlash tashabbuslari bilan ham chiqmoqda.
AQSh prezidenti Donald Tramp Oydagi obyektlardan biriga uning nomini berish mumkinligini aytdi. U bu haqda Texasdagi kosmik markazda sun’iy yo‘ldoshdagi obyektlarni muhokama qilish chog‘ida gapirgan.
“Umid qilamanki, ular mening nomim bilan shunga o‘xshash narsani nomlashadi”, degan Tramp.
Tadbir davomida AQSh prezidenti Artemis II missiyasi qo‘mondoni, amerikalik astronavt Rid Vaysmanni kutib olgan. Tramp Oydagi kraterlardan biri Vaysmanning saraton kasalligidan vafot etgan rafiqasi Kerol sharafiga nomlanganini eslatgan.
AQSh prezidenti Oy insonlar xotirasini saqlab qolishi mumkinligini ta’kidlab, Oydagi biror obyektga o‘z nomining berilishini ham ma’qullashini bildirgan.
Tadbirda Tramp AQShda kosmik akademiya tashkil etish to‘g‘risidagi farmonni ham imzolagan.
So‘nggi vaqtlarda AQSh prezidenti geografik obyektlarni qayta nomlash tashabbuslari bilan ham chiqmoqda. Avvalroq u Meksika ko‘rfazini “Amerika ko‘rfazi” deb atash tashabbusini ilgari surgan. Shuningdek, Kanada bilan savdo tarangligi fonida Ontario ko‘lini “Amerika ko‘li” deb qayta nomlash to‘g‘risidagi farmonni imzolagan.
Tramp nomi Florida shtatidagi avtomagistral va aeroportga ham berilgan. Vashingtondagi Kennedi markazi fasadiga uning nomini qo‘shish tashabbusi esa keyinchalik sud qarori bilan bekor qilingan.
