O‘zbek tilini o‘rganish xalqaro darajaga chiqmoqda
Oksford talabalari uchun O‘zbekistonda Yozgi maktab o‘z ishini boshladi.
O‘tgan yilning oktyabr oyida Prezident Administratsiyasi rahbari Saida Mirziyoyevaning Oksford universitetiga tashrifi va u yerda O‘zbekshunoslik dasturining ochilishi o‘zbek tili va madaniyatini xalqaro ilmiy-ta’limiy maydonda targ‘ib etish yo‘lida muhim voqea bo‘ldi.
Bugun esa mazkur tashabbus yangi bosqichga ko‘tarildi — Oksford talabalari uchun O‘zbekistonda Yozgi maktab o‘z ishini boshladi.
Bir oy davomida ular nafaqat o‘zbek tilini o‘rganadilar, balki O‘zbekistonni bevosita ko‘rib, uning tarixi, madaniyati va an’analari bilan tanishadilar.
Yozgi maktab dasturidan:
- Toshkentga safar;
- Samarqand va Buxoroga tashrif;
- o‘zbek tili darslari;
- madaniy tadbirlar;
- tarixiy obidalar va milliy meros bilan tanishuv o‘rin olgan.
Bu — til o‘rganishdan ko‘ra kengroq ma’noga ega. Bu — xalqlar o‘rtasidagi muloqot, madaniyatlar yaqinlashuvi va yangi avlod hamkorligi uchun muhim qadam.
