Ziroat Mirziyoyeva Bishkekdagi madaniy tadbirlarda ishtirok etdi
SHHT sammiti doirasida qirg‘iz xalqining san’ati va an’analari namoyish etildi.
O‘zbekiston Birinchi xonimi Ziroat Mirziyoyeva 1-sentyabr kuni Bishkek shahrida Shanxay hamkorlik tashkiloti sammiti doirasida o‘tkazilgan madaniy tadbirlarda ishtirok etdi.
Tadbirda Qirg‘iziston, Ozarbayjon, Turkiya va Xitoyning Birinchi xonimlari ham qatnashdi.
Mehmonlar qirg‘iz xalqining amaliy bezak san’ati namunalari namoyish etilgan ko‘rgazma bilan tanishdi. Shuningdek, “Salbuurun” milliy federatsiyasi vakillari qirg‘iz tayganlari va qo‘lga o‘rgatilgan burgutlarni namoyish etib, an’anaviy ovchilik madaniyati haqida ma’lumot berdi.
Dastur yakunida oliy martabali mehmonlar uchun “Enesay” qabul uyida Qirg‘izistonning bolalar musiqa va raqs jamoalari ishtirokida konsert dasturi namoyish etildi.
