Ozarbayjonda O‘zbekiston bayrog‘i porladi
Bokudagi Haydar Aliyev markazi O‘zbekiston Mustaqilligi sharafiga davlat bayrog‘i ranglarida yoritildi.
O‘zbekiston Mustaqilligining 35 yilligi munosabati bilan Ozarbayjon poytaxti Boku shahridagi mashhur Haydar Aliyev markazi O‘zbekiston davlat bayrog‘i ranglarida yoritildi.
Mazkur tashabbus O‘zbekiston Mustaqilligi kunini nishonlash doirasida amalga oshirildi.
“APA” nashrining xabar berishicha, Haydar Aliyev markazining O‘zbekiston bayrog‘i ranglarida yoritilishi ikki qardosh davlat o‘rtasidagi do‘stlik va yaqin munosabatlarning ramziy ifodasi bo‘ldi.
Haydar Aliyev markazi Boku shahrining asosiy meʼmoriy ramzlaridan biri hisoblanadi.
