G‘oliblar 15 million so‘mgacha mukofot bilan taqdirlanadi

6-sentabr kuni Toshkent shahrida Tashkent International Half Marathon – 2026 xalqaro sport tadbiri bo‘lib o‘tadi.

 

Musobaqa doirasida ishtirokchilar 21,0975 kilometr masofadagi yarim marafon hamda 5 kilometr masofadagi ommaviy yugurishda qatnashishi mumkin.

 

Ishtirokchilar uchun start paketida start raqami, elektron chip, rasmiy futbolka, finisher medali, trassadagi suv va oziq-ovqat, shuningdek, elektron sertifikat va natija taqdim etiladi.

 

Ishtirok etish narxi 300 ming so‘m etib belgilangan. 5 kilometr masofaga qatnashuvchilar uchun maxsus aksiya ham mavjud bo‘lib, ro‘yxatdan o‘tish narxi 10 ming so‘mni tashkil etadi. Ishtirokchi masofani bosib o‘tib, finishga yetib kelganidan so‘ng 100 ming so‘mi qaytarib beriladi.

 

Start paketlari 5-sentabr kuni Tashkent City Parkda soat 10:00 dan 20:00 gacha beriladi.

 

6-sentabr kuni Tashkent City Parkda soat 05:00 da start shaharchasi ochiladi. 5 kilometr masofaga start 06:00 da, yarim marafonga start esa 06:30 da beriladi. Taqdirlash marosimi 10:00 ga rejalashtirilgan.

 

Yarim marafonda erkaklar va ayollar o‘rtasida alohida g‘oliblar aniqlanadi. 1-o‘rin uchun 15 million, 2-o‘rin uchun 12 million, 3-o‘rin uchun 10 million so‘m, 4-o‘rin uchun 6 million, 5-o‘rin uchun 4 million va 6-o‘rin uchun 3 million so‘mdan mukofot beriladi.

 

5 kilometr masofada esa 1-o‘rin sohiblariga 3 million, 2-o‘rin uchun 2 million va 3-o‘rin uchun 1 million so‘mdan sovrin topshiriladi. Bu yo‘nalishda ham erkaklar va ayollar alohida taqdirlanadi.

 

Musobaqani tomosha qilish uchun muxlislar uchun kirish bepul.

 

Ishtirok etish uchun ProRun.uz sayti yoki @prorunuzbot orqali ro‘yxatdan o‘tish mumkin.