O‘zini tomdan tashlamoqchi bo‘lgan qiz qutqarib qolindi
IIO xodimlarining tezkor harakatlari natijasida ko‘p qavatli uyning tomiga chiqib olgan fuqaro xavfsiz tarzda pastga tushirilgan.
Mirzo Ulug‘bek tumanidagi “Shalola” mahallasida fuqaroning o‘z joniga qasd qilishga urinishining oldi olindi.
Maʼlum qilinishicha, Qodirova ko‘chasi, 2-uyda fuqaro Y.E. ko‘p qavatli uyning tomiga chiqib, o‘zini pastga tashlashga uringan.
Vaziyatga zudlik bilan aralashgan mahalla noziri, leytenant R.O. Dusmatov hamda patrul-post safdori J.T. Jumanov fuqaro bilan muloqot o‘rnatgan. Xodimlarning tezkor va masʼuliyatli harakatlari natijasida fuqaro xavfsiz tarzda pastga tushirilgan.
Hozirda holat yuzasidan belgilangan tartibda tegishli chora-tadbirlar olib borilmoqda.
