Piskom daryosida 15 kun avval cho‘kib ketgan erkakning jasadi topildi
SUP-doskada sayr qilayotgan fuqaro boshqaruvni yo‘qotib, qoyali qirg‘oqqa urilgan va suvga tushib ketgan
Toshkent viloyatining Bo‘stonliq tumanidagi Piskom daryosida 26-avgust kuni cho‘kib ketgan 30 yoshli fuqaroning jasadi 15 kundan so‘ng topildi.
Ma’lum qilinishicha, o‘sha kuni bir guruh fuqarolar Piskom daryosiga SUP-doskada sayr qilish uchun borgan. Sayr vaqtida Qibray tumanida yashovchi fuqaro boshqaruvni yo‘qotib, qoyali qirg‘oqqa urilgan va suvga tushib ketgan.
Fuqaro qutqaruv nimchasisiz bo‘lgani sababli kuchli suv oqimi uni suv ostiga olib ketgan. Shundan so‘ng FVV g‘avvoslari tomonidan qidiruv ishlari boshlangan.
15 kun davom etgan qidiruv ishlari natijasida 10-sentyabr kuni soat 09:50 da fuqaroning jasadi topilgan.
