Andijonda MIB orqali ona-bola o‘z uyiga kiritildi
Ijro harakatlari davomida daʼvogar 2 nafar farzandlari bilan sud hujjatida belgilangan manzilga kiritib qo‘yildi.
Majburiy ijro byurosi organlari nafaqat qarzdorliklarni undirish balki qarzdorni ko‘chirish, undiruvchini uyga kiritish va shu kabi mulkiy xususiyatga ega bo‘lmagan sud hujjatlari ijrosini taʼminlaydi.
Ko‘pincha, nomulkiy tusdagi ijro hujjatlarining ijrosini amalga oshirishda fuqarolar tomonidan qarshilik holatlari va to‘sqinliklarga duch kelinadi va albatta, ijro jarayonlari oson kechmaydi. Bir qarashda vazifasi yengildek ko‘ringan xodimlarning masʼuliyati anchayin zalvorli ekani mana shunday holatlarda yaqqol ko‘rinadi.
Bugun, Majburiy ijro byurosi Buloqboshi tuman bo‘limi xodimlari tomonidan uyga kiritish bilan bog‘liq ijro hujjati bo‘yicha majburiy ijro harakatlari olib borildi. Javobgar ogohlantirilgan bo‘lsa-da, ixtiyoriy ravishda ijro hujjati talabini bajarmagan. Shu sabab, ijro harakatlari davomida daʼvogar G.N. 2 nafar farzandlari bilan sud hujjatida belgilangan manzilga kiritib qo‘yildi.
Nomulkiy tusdagi ijro hujjatlarini ijro etishda davlat ijrochisidan nafaqat bilim, tajriba va qatʼiyatlilik ham talab etiladi. shundagina, taraflar o‘rtasida kelib chiqishi mumkin bo‘lgan ziddiyatlar, ko‘ngilsizliklarning oldi olinib, ijro hujjatlarining ijrosi to‘liq va sifatli taʼminlanishiga erishiladi.
