Qoraqalpog‘istonda kredit qarzi sabab MCHJ binosi xatlandi
Ayni paytda u daʼvogar bank balansiga o‘tib ketgan.
Majburiy ijro byurosi Qoraqalpog‘iston Respublikasi boshqarmasi ish yurituvida bo‘lgan, Nukus tumanlararo iqtisodiy sudining ijro hujjatiga asosan qarzdor “N.B.” MCHJdan ATB “O‘ZBEKISTON SANOAT-QURILISH BANK” foydasiga 523 mln so‘m undirish belgilangan.
Bo‘lim davlat ijrochilari tomonidan qarzdorga ijro hujjati ijrosini taʼminlash uchun 15 kunlik ixtiyoriy muddat berilgan va kredit taʼminoti sifatida garovga qo‘yilgan, Xo‘jayli tumani, “Bag‘manli” MFY hududida joylashgan aholiga xizmat ko‘rsatish markazi tegishli tartibda xatlab qo‘yilgan.
Shunga qaramasdan, qarzdor tomonidan ijro hujjati talabi ixtiyoriy ravishda bajarilmaganligi sababli, xatlangan avtomobil elektron onlayn-auksion savdo maydonchasi orqali sotuvga chiqarilgan.
Joriy yilning avgust va sentyabr oylarida o‘tkazilgan auksion savdolarida sotuvga chiqarilgan ko‘chmas mulkga xaridor topilmagan va shu sababli ushbu mulk qarzdorlik evaziga ATB “O‘ZBEKISTON SANOAT-QURILISH BANK” balansiga o‘tkazib berilgan.
