Yangi loyihalar va ustuvor vazifalar: Saida Mirziyoyeva jamoasi bilan tahliliy muhokama o‘tkazdi
Yakunda aniq vazifalar belgilanib, davlat rahbariga taqdim etiladigan takliflar shakllantirilishi belgilandi.
Saida Mirziyoyeva Administratsiyadagi jamoasi bilan qizg‘in tahliliy muhokama o‘tkazdi. Unda muhim yo‘nalishlar hamda yaqin istiqbolda amalga oshirilishi mumkin bo‘lgan yirik loyihalar atroflicha ko‘rib chiqildi.
Muhokama davomida ustuvor vazifalarni belgilash, dolzarb masalalarni tahlil qilish va mavjud muammolarga samarali yechimlarni ishlab chiqish masalalariga alohida e’tibor qaratildi.
Bunday ochiq formatdagi jamoaviy muhokamalar orqali turli taklif va yondashuvlar o‘rtaga tashlanib, ular orasidan eng maqbul va samarali yechimlarni tanlab olish imkoniyati yaratilmoqda.
Har bir masalaning jamoa ishtirokida ko‘rib chiqilishi vaziyatni kengroq baholash, yangi imkoniyatlarni aniqlash hamda amaliy jihatdan eng maqbul yondashuvlarni ishlab chiqishga xizmat qilishi ta’kidlandi.
Muhokama yakunida aniq vazifalar belgilab olindi. Shuningdek, davlat rahbariga taqdim etish uchun asoslantirilgan takliflarni shakllantirish bo‘yicha ishlarni davom ettirish belgilandi.
