“2 gektar yer olib beraman”: Surxondaryoda Savdo-sanoat palatasi mansabdori ushlandi
U fuqaroga auksion orqali yer olib berish evaziga olgan 5 mln so‘mni qaytarayotgan vaqtda qo'lga olingan.
Surxondaryo viloyatida Savdo-sanoat palatasi Qiziriq tumani bo‘limi boshlig‘i ushlandi.
Bosh prokuratura huzuridagi Departamentning Qiziriq tumani bo‘limi hamda boshqa huquqni muhofaza qiluvchi organlar xodimlari hamkorligida tezkor tadbir o‘tkazilgan.
Unda Savdo-sanoat palatasi Qiziriq tumani bo‘limi boshlig‘i M. Ch. fuqaro O. B .ga dehqon xo‘jaligi tashkil etish uchun auksion orqali 2 gektar yer maydoni olib berishni va’da qilgani aniqlangan.
M. Ch. ushbu va’da evaziga firibgarlik yo‘li bilan qo‘lga kiritgani aytilayotgan 5 mln so‘mni O. B. ga qaytarib berayotgan vaqtda ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan.
Hozirda tergov harakatlari olib borilmoqda.
