Toshkentda MIB orqali bolalar onasiga qaytarildi
Shu tariqa sud hujjatida belgilangan talablar amalda bajarilib, ijro ishi yakunlangan.
Majburiy ijro byurosining Chilonzor tuman bo‘limi ish yurituvida fuqarolik ishlari bo‘yicha Farg‘ona tumanlararo sudining 2026 yil 7 maydagi ijro varaqasiga asosan, javobgar X.S.dan daʼvogar X.F.ning tarbiyasiga ikki nafar voyaga yetmagan farzandni olib berish haqidagi ijro hujjati mavjud.
Mazkur ijro hujjati qonunchilikda belgilangan tartibda ijroga qabul qilinib, O‘zbekiston Respublikasining «Sud hujjatlari va boshqa organlar hujjatlarini ijro etish to‘g‘risida»gi Qonunining 23-moddasiga muvofiq ijro ishi yuritish qo‘zg‘atildi.
Ijro harakatlari davomida javobgar X.S.ga sud hujjati talablarini bajarish zarurligi tushuntirilib, ularni bajarmaslikning huquqiy oqibatlari haqida tegishli tartibda ogohlantirildi. Shuningdek, ikki nafar voyaga yetmagan farzandni ona tarbiyasiga olib berish bo‘yicha majburiyat olindi.
Olib borilgan ijro harakatlari natijasida sud hujjatida belgilangan talablar amalda taʼminlanib, ikki nafar voyaga yetmagan farzand onasining tarbiyasiga olib berildi.
