Jizzaxda qidiruvdagi mashinalarga reyd boshlandi
Topilgan avtomashinalar keyingi ijro harakatlarini amalga oshirish maqsadida jarima maydonchasiga joylashtirilmoqda.
MIBning Jizzax viloyati boshqarmasi Qidiruv shoʻbasi hamda YHXB xodimlari hamkorligida o‘tkazilayotgan “AVTOKON” tadbiri doirasida qidiruvda bo‘lgan avtotransport vositalarini aniqlash bo‘yicha nazorat va qidiruv tadbirlari olib borildi.
Tadbir davomida ijro hujjatlari bo‘yicha qidiruvga berilgan bir qator avtotransport vositalari aniqlanib, belgilangan tartibda ushlandi. Topilgan avtomashinalar keyingi ijro harakatlarini amalga oshirish maqsadida jarima maydonchasiga joylashtirildi.
Qidiruvdagi mol-mulkning topilishi ijro jarayonining samaradorligini oshirishga xizmat qiladi.
Byuroning Qidiruv shoʻbasi va YHXB xodimlari o‘rtasidagi hamkorlik orqali qidiruvdagi transport vositalarini tezkor aniqlashga alohida eʼtibor qaratilmoqda.
