“Bu uchrashuv ko‘p narsani o‘zgartirishi mumkin” — Zelenskiy
Ukraina prezidenti Donald Tramp bilan Nyu-Yorkda uchrashadi.
Ukraina prezidenti Vladimir Zelenskiy va AQSh prezidenti Donald Tramp telefon orqali suhbatlashib, Nyu-Yorkda uchrashishga kelishib oldi. Bu haqda Zelenskiy Ukraina prezidenti rasmiy saytida ma’lum qildi.
Zelenskiyning ta’kidlashicha, suhbat davomida ko‘plab masalalar muhokama qilingan. U uchrashuv “ko‘p narsani o‘zgartirishi mumkin”ligini qayd etgan.
Ukraina prezidenti, shuningdek, Trampning maxsus vakillari Stiv Uitkoff va Jared Kushnerning Kiyevga tashrifi uchun AQSh prezidentiga minnatdorlik bildirgan. Uning qayd etishicha, tomonlar tinchlikka erishish yo‘lidagi diplomatik sa’y-harakatlarni davom ettirmoqda.
Zelenskiy muzokaralar doirasida deeskalatsiya bo‘yicha qadamlar hamda energetika va oziq-ovqat xavfsizligi, shuningdek, insonlar hayotini himoya qilish bilan bog‘liq masalalar bo‘yicha takliflar borligini aytgan.
Ukraina rahbari AQSh tomoni bilan hamkorlik davom etayotganini va jiddiy qadamlar tashlashga tayyorligini bildirgan.
Uchrashuv Nyu-Yorkda BMT Bosh Assambleyasi doirasida o‘tkazilishi rejalashtirilgan.
