9 ta viloyatda sel xavfi: O‘zgidromet ogohlantirdi
O‘zbekistonning tog‘oldi va tog‘li hududlarida sel-suv toshqini xavfi yuzaga kelishi mumkin.
“O‘zgidromet” prognoziga ko‘ra, 30-sentabr – 2-oktabr kunlari kutilayotgan yomg‘irlar sabab Qashqadaryo, Surxondaryo, Samarqand, Navoiy, Jizzax, Toshkent, Namangan, Farg‘ona va Andijon viloyatlarining ayrim hududlarida sel xavfi mavjud.
Xususan:
- Qashqadaryo viloyatida — Yakkabog‘, Dehqonobod, Chiroqchi, Kitob, Shahrisabz, Qamashi va G‘uzor tumanlarida;
- Surxondaryo viloyatida — Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on va Muzrabot tumanlarida;
- Samarqand viloyatida — Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy va Ishtixon tumanlarida;
- Navoiy viloyatida — Xatirchi, Navbahor, Nurota, Konimex va Karmana tumanlarida;
- Jizzax viloyatida — Zomin, Baxmal, G‘allaorol, Sharof Rashidov, Forish va Yangiobod tumanlarida;
- Toshkent viloyatida — Ohangaron, Bo‘stonliq, Parkent, Piskent, O‘rtachirchiq va Yuqorichirchiq tumanlarida, shuningdek, Angren hamda Olmaliq shaharlarida;
- Namangan viloyatida — Pop, Kosonsoy, Chortoq, Chust, Namangan va Yangiqo‘rg‘on tumanlarida;
- Farg‘ona viloyatida — So‘x, Shohimardon, Farg‘ona va Beshariq tumanlarida;
- Andijon viloyatida — Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod va Marhamat tumanlarida, shuningdek, Xonobod shahrida sel-suv toshqini xavfi mavjud.
O‘zgidrometning qayd etishicha, ayrim hududlarda yog‘ingarchilik suvlari to‘planishi mumkin. Bu esa joylarda suv bosishi xavfini yuzaga keltirishi ehtimoldan xoli emas.
Shu munosabat bilan tog‘oldi va tog‘li hududlarda yashovchi fuqarolar, dam oluvchilar hamda tog‘li hududlarda harakatlanayotgan haydovchilardan ehtiyotkorlik choralarini ko‘rish so‘ralmoqda.
