Tokioda 34 kunlik rekord: yomg‘irsiz kun bo‘lmadi
Tokio markazida 27-avgustdan 29-sentabrgacha har kuni yog‘ingarchilik qayd etilgan.
Yaponiyaning Tokio shahrida ketma-ket 34 kun davomida yomg‘ir yog‘ib, rekord natija qayd etildi. Yaponiya meteorologiya agentligi ma’lumotlariga ko‘ra, bu 1886-yildan buyon kuzatilgan eng uzoq uzluksiz yog‘ingarchilik davri hisoblanadi.
Tokio markazida yog‘ingarchilik 27-avgustdan 29-sentabrgacha davom etgan. Shu tariqa 2019-yilda 27-iyundan 29-iyulgacha qayd etilgan 33 kunlik avvalgi rekord yangilangan.
Meteorologlar uzoq davom etgan yomg‘irli ob-havoni kuzgi yomg‘ir frontlari, uzoq vaqt saqlanib turgan past bosim hududlari hamda yaqinlashgan tayfunlar bilan izohlamoqda.
Tokioda sentyabr oyining 29-sanasigacha 629 millimetr yog‘in qayd etilgan. Bu shaharning sentyabr oyidagi o‘rtacha yog‘in miqdoridan qariyb uch baravar ko‘p.
Yog‘ingarchilik miqdori 21-sentabr kuni ayniqsa yuqori bo‘lgan va bir sutkada 156 millimetr yog‘in tushgan.
Uzoq davom etgan bulutli va yomg‘irli ob-havo quyoshli kunlar davomiyligiga ham ta’sir ko‘rsatgan. Shuningdek, Yaponiya sharqida, jumladan Kanto mintaqasida, yom‘irlar davom etishi kutilmoqda.
Yaponiya meteorologiya agentligi ma’lumotlariga ko‘ra, mamlakatning ayrim hududlarida kuchli yog‘ingarchilik va tayfunlar bilan bog‘liq noqulay ob-havo kuzatilmoqda.
