Qashqadaryoda fuqaro MIB orqali ishga tiklandi
Maʼlum bo‘lishicha, fuqaro 2021 yildan beri ishlab kelayotgan ishxonasidan g‘ayriqonuniy bo‘shatilgan.
Qamashi tumanida ham fuqaroning mehnat huquqi tiklanib, sud hujjati ijrosi taʼminlandi.
Fuqaro A.D. Qamashi tumanidagi texnikumda 2021 yildan turli lavozimlarda mehnat qilib kelgan. Biroq 2026 yil 16 apreldagi buyruq bilan u bilan tuzilgan mehnat shartnomasi bekor qilingan.
Fuqaro mazkur qarorga norozilik bildirib, sudga murojaat qilgan.Fuqarolik ishlari bo‘yicha Yakkabog‘ tumanlararo sudining 2026 yil 20 avgustdagi hal qiluv qarori bilan daʼvo talablari qisman qanoatlantirildi.
Sud texnikumning buyrug‘ini g‘ayriqonuniy deb topib, uni bekor qilish hamda fuqaroni texnikumning “Taʼlim sifati nazorati bo‘limi bosh mutaxassisi” lavozimiga tiklash haqida qaror qabul qildi.
Sud hujjati ijrosini taʼminlash maqsadida Majburiy ijro byurosi Qamashi tumani bo‘limi tomonidan ijro harakatlari amalga oshirilib, fuqaroning mehnat huquqi tiklandi.
