Bir kun ichida fuqarolik va pasport: Japarov mas’ullarga topshiriq berdi
Bunga O‘zbekistondan kelgan ayolning fuqarolik olishdagi muammosi sabab bo‘lgan.
Qirg‘iziston prezidenti Sadir Japarov etnik qirg‘izlarga fuqarolik va pasportlarni bir kun ichida rasmiylashtirib berishni topshirdi. Bu haqda u Botken shahri aholisi bilan uchrashuvda ma’lum qildi.
Uchrashuvda Botken tumanida yashovchi, O‘zbekistondan kelgan va qirg‘iz millatiga mansub erkakka turmushga chiqqan ayol prezidentga murojaat qilgan. U uzoq vaqtdan beri Qirg‘iziston fuqaroligini ololmayotganini bildirgan.
Japarov tegishli mas’ullarga ayolning muammosini hal qilishni topshirib, agar shaxs etnik qirg‘iz bo‘lsa, unga fuqarolik va pasport bir kun ichida berilishi kerakligini aytgan.
Prezidentning ta’kidlashicha, Afg‘oniston va Tojikistondan kelgan etnik qirg‘izlar hamon qayrilman maqomiga ega.
